القاهرة .. بالفيديو سائق أوبر يعتدي على فتاة داخل السيارة

زعمت فتاه تدعى “ميرنا”، أن أحد سائقي شركة  أوبر، اعتدى عليها وحاول اختطافها في المقطم، وأن ما أنقذها من بين يديه هو تواجد كمين للشرطة.

وقالت “ميرنا”، خلال مداخلة هاتفية ببرنامج حضرة المواطن”، المُذاع عبر فضائية “الحدث اليوم”، “كنت في مول سيتي ستارز بمدينة نصر، وطلبت أوبر الساعة 3، علشان كنت رايحة عند جدتي عند نادي السكة الحديد، وكان هيمشي طريق النصر فقط”.

وأضافت “أول ما ركبت بدأ السواق يدخل في طرق أنا مش فاهمها، وبدأت أسأله أقوله إحنا رايحين فين، وبدأت أوجهه للطريق الصح علشان أنا عارفة الطريق، مكنش بيرد عليا ومش عايز يسمعني، وبعد ما مشي بيا في شوارع جانبية بحجة إنها الأسرع اتفاجئت إني في المقطم”.

وأوضحت “توترت ومعرفتش أعمل أي حاجه، وبدأ يشتمني ومش راضي يوقف العربية، حاولت أكلم والدتي أخذ مني الموبايل ورماه في دواسة العربية، وبعد 5 دقايق أما شاف كمائن الشرطة، وقف العربية في مكان بشع وحاولت يعتدي عليا، وبعدين نزلني من العربية ورمي الموبايل ورايا وفضل يشتمني”.