شبكة رمضان الإخبارية شبكة إخبارية تهتم بشئون الجالية العربية فى النمسا ودول الجوار
هاجم الإعلامي عمرو أديب، نجل الرئيس الأسبق، علاء مبارك، وذلك تغريدة قام بنشرها الأخير على صفحته الشخصية على موقع تويتر من إحدى لقاءات “أديب” إبان تنحي الرئيس المخلوع.
وقال “أديب”، خلال برنامج “الحكاية” المذاع عبر فضائية “إم بي سي مصر”، مساء الإثنين، “قوللي جبت الفلوس منين.. هو انت كنت بتشتغل إيه”، مضيفًا: “العيل السو…”، رافضا استكمال الجملة.
وأضاف “أديب” : “أنا كنت أعرف الرئيس مبارك، وأولاده جمال بيه، وعلاء بيه”، مشيرا إلى أنه تخيل كيف سيكون الوضع لو لم يتنحى مبارك، مضيفا: “كان زمان جمال بيه بيحكم، وعلاء بيه بيقبض”.
وتابع “أنا قعدت في البيت لأني اتجرأت وقربت من سيرة علاء بيه وجمال بيه”، منوها بأن علاء مبارك هاجمه اليوم، معقبا: “مش على آخر الزمن واحد رد سجون هيعلمنا الأدب.. رد عليا وقولي فلوس سويسرا جبتها منين، هو علاء مبارك كان بيشتغل إيه”.
وأردف بالقول “إنت يا علاء بيه اللي جبته لنفسك، أنا عمري ما قربتلكم.. لا حضرتك ولا جمال بيه، مش هترجعوا تاني، ومش هتحكموا تاني”، مستطردا: “مين اللي ولع في عربيتي يا علاء ورمى عليها ماية نار”.
واستطرد “أديب”، مخاطبا علاء مبارك، “يا أنا يا إنت ومش هسيبك، وقولي فلوس سويسرا منين.. إنت جيت لواحد مستبيع، وجبته لنفسك.. عايز حواديت عندي كتير”، كاشفا أن علاء مبارك أخبر البعض خلال ثورة يناير “جمال هيودينا في داهية”.
وكشف أن علاء مبارك أصدر أمر بعدم تشغيل عمرو أديب في أي قناة، مضيفا: “مكنتش لاقي شغل في فندق حتى، لحد ما سافرت أعمل برنامج أراب جوت تالنت واكل شارب نايم ببلاش”، مستطردا: “مين اللي ولع في عربيتي يا علاء ورمى عليها ماية نار”.
وانتقد ترحيب المصريين بـ علاء وجمال مبارك، قائلا: “أمال إحنا عملنا كل ده ليه.. الشباب ماتت ليه، عشان نجيب الأستاذ جمال وعلاء تاني”، مضيفًا: “أنا عملت حساب ليكم بس فالسجن.. بس دلوقتي واقف قصادكم، ونروح محاكم، ونعمل مناظرات”.
