شبكة رمضان الإخبارية شبكة إخبارية تهتم بشئون الجالية العربية فى النمسا ودول الجوار
خرجت الإعلامية غادة جميل مذيعة «سي بي سي سفرة»، عن صمتها بعد تزايد الانتقادات والإهانات التي وجهت لها بعد قرارها بخلع الحجاب الذي اتخذته منذ عدة أشهر.
وكان المئات من متابعي «جميل» شنوا هجومًا عنيفًا عليها عبر صفحاتها على مواقع التواصل الاجتماعي، بعد تخليها عن الحجاب.
مذيعة «CBC سفرة» التي تقدم برنامج “اتفضلوا عندنا”، ردت علي انتقاد الجماهير لها بعد خلع الحجاب: وقالت «الإنسان مش إيشارب ولا أبحث عن عريس»، وعن الهجوم عليها بعد خلعها للحجاب : ” حرية شخصية، ولست بداعية اسلامية”
وكتبت «جميل» عبر حسابها على «انستجرام»:«بصراحة موضوع التعليق على قلعي للحجاب بقي أوفر ومستفز وبوخ أوي، وبقالي شهور ساكتة ومش برد أصل الشتيمة مش بتلزق وزي ما كنا بنقول زمان وإحنا صغيرين الشتيمة بتلف تلف وترجع لصاحبها ولكن طالما انتوا على الصفحة بتاعتى سواء الإنستجرام أو الفيس بوك يبقى لازم نلتزم بشوية احترام من غير كلام خارج عن حدود الأدب».
وأضافت :«بحترم اللي زعلان عشان قلعت الحجاب لأننا كلنا عارفين إن الحجاب فرض ولازم على كل بنت مسلمة إنها تلتزم بيه وإني أتخلي عن دا لأسباب ترجعلي أنا بس ومتهيألي إنه موضوع بين العبد وربه ومحدش فيكوا هيتحاسب مكاني ولا حطلب من حد يسلفني حسناته يوم الحساب».
وأنهت «جميل» بيانها «: فاللي مش عاجبها ولا عاجبه يا تدعى دعوة حلوة بظهر الغيب أو تلتزم الصمت لأن ربنا بس اللي عالم باللي جوه قلب كل واحد أنا مش فاهمة تحكموا على إيه ما كل واحد يخليه في حاله وفي الامتحان اللي ربنا مديهوله نركز شوية في نفسنا وفي الورقة بتاعتنا وبطلوا تبصوا في ورقتي عشان دي حياتي».
