منى برنس: أنا لا أصوم وهذه أسبابي

أعلنت أستاذ الأدب الإنجليزي بجامعة السويس الدكتور  منى برنس، عن عدم صيامها خلال شهر رمضان، مشيرة إلى أنها “شبه المرأة المستذئبة” في حالة عدم تناولها القهوة.

وقالت برنس من خلال تدوينه لها بعنوان  “ليه أنا مابصومش؟؟” على صفحتها بموقع التواصل  الاجتماعي “فيس بوك”: “مبدئيا الصيام لله، فمش المفروض حد يسأل حد عن الموضوع ده.. انا بقي، لو ماشربتش قهوة الصبح، ما ببقاش بني آدمة، ببقي حاجة كدة شبه المرأة المستذئبة، و احسن في الحالة دي لا حد يشوفني و لا حد يكلمني، عشان ممكن اهبره عادي”.

وأضافت : “و عشان اعمل اي شغل لازم اشرب قهوة، و انا حد بيشتغل طول الوقت، مش هقضي الشهر نوم يعني.. ثانيا، انا معظم الوقت علي سفر، و ما ينفعش اسوق من غير ما اشرب قهوة و ابقي مصحصة للطريق، وثالثا، انا من الفقراء فمش محتاجة احس بيهم.. ورابعا، انا من اللي  ربنا انعم عليهم بنعمة الاستغناء فمش محتاجة اتعلم ده او اني امسك نفسي عن حاجة نفسي فيها.. الحمد لله ما نفسيش في حاجة”.

وتابعت القول : “الاهم بالنسبة لي اني بصوم عن أذى الغير و ما بضرش حد .. طول السنة..  و كل سنة و انتو طيبين و رمضان كريم”.