أول يوم العيد : رحلة مجانية للأطفال عبر التاريخ في المتحف المصرى بفيينا

للمرة الثانية ينظم رائد التنمية البشرية فى النمسا “محمد فاروق” المرشد السياحى سابقاّ ، رحلة ترفيهية فى أول أيام عيد الفطر المبارك لعام 2017 إلى المتحف المصرى ، التابع لمتحف التاريخ الفن بفيينا ” Das Kunsthistorische Museum Wien” فلو عاوز ترجع 7000 سنة وتشوف أجدادنا قد إيه كانت حياتهم بسيطة وممتعة رغم بدائيتها، يبقى لازم تزور المتحف المصرى ، رحلة تختصر آلاف من السنين، ومن خلالها تتعرف على تفاصيل حياة الفراعنة وطريقة معيشتهم وإنجازاتهم وماذا قدموا وساهموا فى الحضارة الأنسانية .

ويقول فاروق مرة اخرى نعاود زيارة المتحف المصرى بفيينا بمناسبة العيد

مع الشرح للاطفال والكبار كمان ، بشرط مش هيعملوا دوشة ولا شقاوة ولا هيلمسوا التماثيل ولا المعروضات  ، مرة اخرى نعود لزيارة قاعات مجموعة الاثار المصرية القديمة بمتحف التاريخ الفن بفيينا

مدة الرحلة من الساعة ١١ صباحاّ وحتى الساعة الواحدة ظهرا.

الدخول للاطفال والتلاميذ مجاناّ . والشرح انا متبرع بيه و دى هديتى للاطفال فى العيد. يعنى مش هتدفع فلوس. فقط تجيب معاك علم مصر ، وهذا شرطى الوحيد

وأيضاّ علم النمسا من أجل أن نعبر عن الاندماج والحوار الحضارى. وممكن تعزم اصحابك النمساويين كمان. الشرح بالالمانى عشان الولاد بيفهموه احسن من العربى وبصراحة كده انا كمان الشرح بالالمانى اسهل لى

ممكن تعملوا شير عادى من غير سؤال وتقولوا للى عايزينه. الدعوة عامة. بس اللى ناوى ييجى يا ريت يكتبلى على البوست او انبوكس عشان اعمل حسابى.

“الحضارات هنا مهدها.. بعطاء المجد تصطخب

نقشت في الصخر أسفارها.. فإذا من صخرك الكتب”

هى دى مصر. فاهمين يا ولاد؟ فاهمين يا بنات؟.

بنحبك يا مصر كلك على بعضك (بالجزيرتين بالمناسبة)

محمد فاروق

للتواصل مع الأستاذ محمد فاروق عبر الفيس بوك أضغط على هذا الراب